99的口水尾

我99有一個唔係咁好既習慣，一圍枱食飯，99一定「唔執輸」，好似翅一人一碗，佢明明唔食，都一定伸手去轉盤度攞，作狀食兩啖就遞俾62或者老公(佢個仔)，佢試過遞俾我，不過我次次都猛話飽唔要。一人一隻鮑魚仔，99又係咁，夾左埋碗，又遞俾我，我話有嘞，你食啦，佢話佢無牙食喎(我諗張枱所有人都諗「咁你又夾?」)，當住成圍枱面前推來推去，好尷尬。

最近一次，舅父生日，食蛋糕，99本身唔好甜野，但佢又點會「執輸」呢，梗攞番份，又係食左兩啖，就遞俾老公(佢個仔)。嘩!嗰一刻我眼都突埋，99食過晒隻叉，隻叉又叉番落件蛋糕度，老公唔係食吖ma…….

好彩老公縐埋眉頭望住99，同99講「你唔食就唔好攞啦！」，99即刻黑面，張件口水尾蛋糕擺左响62個位，62去完toilet返黎，同99講「做mud唔俾你個仔je，我邊食到咁多」，99塊面更黑。

99呢種行為唔單止唔衛生，仲好自私，你唔食但夾硬「霸」左，想食或者真係未飽既人咪無得食law，99唔想sai野，就迫62同老公執佢口水尾。

事後返到屋企，老公自己話「要教下阿媽，佢好興張d口水尾俾人食，第時容mud易佢順手塞俾bb架!」

嘩!我突然覺得老公「大個仔」嘞，我同bb既將來出現曙光嘞!!!!!

[轉載:親子王國/nahcTAP]