奶奶趣聞

奶奶家嫂的矛盾 (女人多自在)

2011-11-28T11:37:00.002+08:00

RTHK-女人多自在4-07-圓月-2011-11-27-Part 1

RTHK-女人多自在4-07-圓月-2011-11-27-Part 2

[轉載/Youtube] 第七集《圓月》

現今，兩代對養育的學問已經有許多不同看法，年輕一代更不想在許多小事上跟父母磨擦，令關係變得緊張，帶來更大的縫隙和衝突，昨為一個恨抱孫的祖母又該如何與兒媳相處呢？

華姐一手獨力養大兩名子女，看著他們成家立室就是最大的心願。兒子結婚後本來是跟華姐一起居住，直到妻子懷有新孕後就決定搬出。退休的華姐一直把心思放在一對子女身上，特別當知道媳婦懷孕後，她心裡一直預算可以怎樣配合幫忙，譬如：幫忙媳婦產前後的身體調理、怎樣照顧初生孫兒、連自己的作息時間也來改變配合等。誰知兒子及媳婦一早已有自己的想法，甚至一早已打聽坊間的金牌陪月員的時間及價錢，好等聘用來照顧小孩，卻從來沒有想過請媽媽來顧小孩。

結果，華姐照顧自已的孫兒想法落空，甚至連見面機會也不多。機緣巧合之下，華姐報讀了社區中心的陪月課程，雖然年紀比較大，但老一輩的經驗讓華姐慢慢變成很受歡迎的陪月員，其後更成為許多新生嬰孩的臨時婆婆。

有沒有人同99住不黑面？

2011-02-28T22:22:00.000+08:00

和6299同住，老公問我吃飯時為何黑面，是不是人家欠了你什麼？

於是我和他在晚上吵，說黑面她才會收聲不批評。如果我笑笑口，佢以為我心情好，一有見東西不順眼便出聲話我 (以前平均兩星期有一次，有時吹毛求疵，例如梘粉水倒進洗手盆會塞住去水，沖完涼厠所地下四面牆都要抺乾。）。近個月我用黑面攻勢她才收收口。我不會放棄這個 weapon.

她很聰明，不想兒子被我迫到搬出，收口。但我不知她能收聲多久。
我最生氣是c6不幫我，說我做事慢不夠爽手，不夠醒目，人家才批抨你。又說99今天沒有得罪我，為何給臉色人看？
我說這是“積怨“，不是今天或前天沒有事發生大家便應開開心心。大家性格不合，只能不溝通。否則總有一方聽到不想聽的話。

我要求搬，他又說：搬出去要到外面吃飯，不好吃。一家人一起住，多溫暖。有人每天“同我“煮飯，抺地，想點？
我說你可以降低對食物或地板整潔的要求，來遷就我。他說不行。
只求滿足自己，沒有想過我感受。失望。

[轉載:親子王國/rd21gn54]

衰新袍及不孝 ?

2011-02-22T14:50:00.004+08:00

我是否衰新袍?
上年我冇去拜山, 過時過節如果不是老公放假倍我, 我是不會單獨去做節/食飯. and 今年新年冇上99家拜年及食開年飯...只有c6同囡囡去...
有冇姊妹好似我咁"不孝"

我知好多人實會駡我衰新抱及不比面c6, 不過當然是有前因．．．數之不盡．．　

有時反思．．是否我太固執和想不開？

但是誰令一個"淋善及怕事"的人變成咁掘強?
是誰令一個開朗的人變成Depression?
是誰令一個”識禮”變成咁”冷莫及不知禮數的人？
為何一聽到99 的名就會皺眉?
為何一聽到99的”至理名言”想駁嘴?
為何一見到９９的黑面，想走人?

為何上天不能給我一個大的腔懷去容納99..
為何我咁小心眼..
為何我做任何事我都不能取悅99..

為何.. 好多為何....

[轉載:親子王國/yantungb]

99，你隻女就係寶 X#Y#Z# !

2011-02-12T20:03:00.012+08:00

上年6299去了澳洲幾星期探三姑仔一家。 6299家只留番一個不做家務、冇禮貌(成日鬧阿媽)、失業、樣貌一般兼三十幾歲都嫁不出的細姑仔。6299家沒有工人，99通常叫我上去同佢拜神上香及打掃。雖然我家有工人，工人要照顧兩個女，我幫她拜完神，就順便打掃埋，冇功，都有努! 估唔到99從澳洲回來後，乾淨屋企睇，唔該都冇聲，反而發現雪櫃有異味，原來果隻細姑仔買外賣飯盒回家吃，把吃盛的飯盒放回雪櫃，放了一段時間，飯盒發霉至雪櫃有異味，影響埋雪櫃內其他食物！ 99居然向我大發雷霆，發顛咁對住我罵過不停。 99話呢D野唔係佢個女做，佢個女係唔會做呢D野，呢D野係新抱做。不停咁鬧，又話我平時無禮貌，又話我冇家教，亂咁鬧，我就On居居企係度被佢鬧，最攪鬼就係99話"阿爸阿媽可以鬧，家公家婆唔可以鬧"。我當堂O晒嘴，唔怪得知99成比佢D囝囡鬧！雖然我比99鬧到超級唔開心，如果我話比C6聽，C6又會勁鬧99，結果喊左一陣，同朋友訴下苦，見佢老人家又血壓高又糖尿病，我都當佢唱歌算了。

今年新年99又去了澳洲幾星期探三姑仔一家。 99回來前一天，我特登叫工人去6299家打掃，及千叮萬囑工人把雪櫃內所有發霉及有可能發霉的食物清理，免招麻煩。事與願違，99回來又係唔該都冇聲，淨係發現廚房拜完神果細盆發財年榚發左霉。99今次沒有大發雷霆，也沒有狂鬧我。 99只是說，呢D野細姑仔唔會做，佢仲要嫁人，唔駛係屋企做野，佢一日未嫁人，都唔駛佢做家務! 我心裡大罵:99，你隻女就係寶 X#Y#Z#! 唔通我沒有阿媽生!! 唔知道99C6&細姑仔，幾時先開竅?

KC9

未來99摑準媳婦子報警拉母

2011-02-11T13:13:00.003+08:00

大埔太和邨昨晚發生未來家婆掌摑準媳婦傷人案，一對準備稍後成婚的同居男女自外返家，同住的男方母親疑不滿兩人遲返家，怒責兩人期間，有人見準媳婦竟顧住傾手提電話不理她，盛怒下搶去其手機並掌摑準媳婦一巴掌，兒子見女友受傷報警。警員到場拘捕涉嫌打人的未來家婆，受傷準媳婦被送院治療。

遲返家起爭執
現場為大埔太和邨福和樓一單位，被捕女戶主姓蘇（ 46歲），其兒子姓鄧（ 21歲），與姓譚女友（ 22歲）在上址同居，兩人並準備稍後結婚。但蘇婦對這名準媳婦頗有意見，她曾勸喻兒子人生大事要考慮清楚，但沒被正視。
昨晚 7時許，鄧偕女友由外返家，蘇婦疑在家等兩人返回用膳，見兩人遲返便大罵兩人之不是，但譚女在未來家婆責罵期間，卻拿着手機不停與人傾電話，有人不滿譚女不尊重她，氣忿下一手搶去譚女的手機，跟住一巴掌摑向譚女的臉部，譚女一邊耳朵被摑傷。鄧見女友被打致電報警，警員到場調查後，拘捕涉嫌打人的蘇婦，譚女則送院治理。

[轉載:蘋果日報/未婚妻被摑　子報警拉母 2011年02月11日]

99 vs 外母

2011-02-11T12:34:00.002+08:00

Q: 99難頂d定係外母惡攪d??

A1 : 99一定比外母難頂。因為我會識得制止我亞媽做過份既事，但係C6唔識制止佢亞媽做無謂既事。即係︰我C6唔駛忍我亞媽，因為我已經響事情發生之前及時制止左，而我就要HANDLE埋99果份，所以響我既角度，99係比外母難頂！
[轉載:親子王國/HerKing]

A2: 一般是99野蠻地.因為外母多不想女兒離婚.但99多數想兒子離婚(99認為兒子可以再娶.所以玩大佢)但到兒子分一半身家比人時(再加善養費)99呆著 .(佢以為恰人唔晒本? )
[轉載:親子王國/美亞]

網主 : 99難頂d 因為 99 & 媳婦都很小氣 !!

叱咤頒獎，楊千嬅老公丁子高更帶埋媽咪和外母撐場

我估我將來都會是一個惡頂的99 ?

2011-02-11T12:23:00.003+08:00

在呢版, 成日都見到媳婦唔妥99呢樣果様, 看來我自己將來都是一個惡頂的 99, 如 :

1) 若果阿仔無能力搬走, 新抱要來我家住 (層樓是我供的), 我是絕對唔會為佢改變我的新活方和習慣, 更加唔會讓地方出來比佢放佢哋的嘢, 你要有私人空間唔該自己搬走 !

2) 我個仔比家用父母是天公地義(我養了佢幾十年), 若新抱仲要我個仔養, 在我家更加無權出聲, 一家幾口給二千元家用仲要有所要求, 我會叫佢過"主"

3) 照顧孫兒不是我的責任, 是你作為父母的責任, 幫是人情, 唔幫是道理

4) 新抱生仔之類, 不要期望我會煮補品

5) 錢銀千萬不要問我借, 我的儲蓄是用來養老, 不是給你買樓做生意之類, 你想要的嘢自己就去努力賺錢, 不要以為錢會從天跌下來

總知一句, 最好新抱和兒子有賺錢能力, 自己養活自己之餘仲可以有閒錢給我家用, 得閒食吓飯去吓玩, 我亦唔會干涉你的生活, 但若果無能力的話, 要住我食我的, 就同我收聲, 無權提出任何要求 ! 所以我將來絕對是一個超級惡頂的 99 !

[轉載:親子王國/stephanieching]

奶奶陪度蜜月新娘嬲爆離婚

2011-01-28T22:47:00.006+08:00

意大利一名婦人新婚一個月就申請離婚，因為難忍丈夫在度蜜月時大玩「三人行」，並非是他有「第三者」，而是他竟帶媽媽一起度蜜月和共度聖誕，令兩夫婦無法過溫馨二人世界。

36歲瑪麗安娜（ Marianna）前天（周三）向法官申請離婚，指丈夫「過份依戀媽媽」，無法跟他「發展健康婚姻關係」。

話說上月瑪麗安娜與斯特凡諾（ Stefano）結婚，翌日到羅馬機場準備搭飛機往法國巴黎度蜜月，赫然在離境大堂見到奶奶，原來丈夫在沒知會她下，竟相約奶奶一起度蜜月，令她期待的二人世界好夢落空。

聖誕假 3人同過節

奶奶變「電燈膽」，瑪麗安娜自然向丈夫提出抗議，但丈夫沒有安慰她，反而說媽媽健康欠佳，不能把媽媽獨留在家，所以度蜜月變成「三人行」，以便隨時照顧病母，瑪麗安娜很氣憤，但無奈接受。

三人蜜月結束後，瑪麗安娜寄望婚後首個聖誕假，與丈夫過浪漫二人世界，沒料到丈夫繼續找媽媽一起過節，令她無法忍受，覺得丈夫把媽媽放在首位，憤然獨自駕車回那不勒斯的娘家。

法新社

俾d空間我啦

2011-01-24T14:28:00.003+08:00

自從生左阿b後, 惡夢就開始啦...話說我同老公未結婚之前買左層樓係6299附近(嚴格嚟講係我同老豆俾首期,無c6名架), 阿b出世後,我老爺日日都嚟兩次 ,99 就夜晚放工嚟,每日 1pm-4pm / 7pm -12 pm , 係12點都唔走阿,由坐月開始,到我剛剛開始返工, 日日如是 ,又唔打電話上嚟, 上到嚟又要陪佢dry坐, 入房上網又好似無禮貌,無d私人時間....62嚟到我屋企又勁食烟 , 我最唔like一食完烟就要抱阿b , 仲要無論阿b醒定訓都抱住佢 , c6 同我都係得半夜可以同阿b相對....我成日叫佢唔好抱 , 佢講完又係甘, 講得多都覺得自己煩, 佢有一次應我 '阿b梗係要有人抱先幸福 ,成日自己玩有咩好 '
我都試過話早上抱慣夜晚唔肯自己訓我地好累 , 點知我6299話佢地唔使返工可以幫我地睇夜晚 , 我梗係唔想, 所以而家都唔敢話夜晚bb

唔乖, 費事又俾佢地入位....佢地由阿b初生第7日已經話要帶bb

過去訓, 我成日扮聽唔到囉....
今日我難得放假 , 老公同工人姐姐又放假 , 可以3人世界, 點知電話都無, 11點係門口按鐘, bra 都未帶, 我真係忍唔住即 ' 黑面 ' ,跟住又一齊lunch, lunch完又跟上嚟我屋企 , 又問我今晚食咩....我好想話你放過我一陣啦, 難得放日假....

sis , 我都知無法解決架啦...淨係勸大家千祈買樓咪住甘近.....

[轉載:親子王國/sweetannann]

99的口水尾

2011-01-23T17:15:00.000+08:00

我99有一個唔係咁好既習慣，一圍枱食飯，99一定「唔執輸」，好似翅一人一碗，佢明明唔食，都一定伸手去轉盤度攞，作狀食兩啖就遞俾62或者老公(佢個仔)，佢試過遞俾我，不過我次次都猛話飽唔要。一人一隻鮑魚仔，99又係咁，夾左埋碗，又遞俾我，我話有嘞，你食啦，佢話佢無牙食喎(我諗張枱所有人都諗「咁你又夾?」)，當住成圍枱面前推來推去，好尷尬。

最近一次，舅父生日，食蛋糕，99本身唔好甜野，但佢又點會「執輸」呢，梗攞番份，又係食左兩啖，就遞俾老公(佢個仔)。嘩!嗰一刻我眼都突埋，99食過晒隻叉，隻叉又叉番落件蛋糕度，老公唔係食吖ma…….

好彩老公縐埋眉頭望住99，同99講「你唔食就唔好攞啦！」，99即刻黑面，張件口水尾蛋糕擺左响62個位，62去完toilet返黎，同99講「做mud唔俾你個仔je，我邊食到咁多」，99塊面更黑。

99呢種行為唔單止唔衛生，仲好自私，你唔食但夾硬「霸」左，想食或者真係未飽既人咪無得食law，99唔想sai野，就迫62同老公執佢口水尾。

事後返到屋企，老公自己話「要教下阿媽，佢好興張d口水尾俾人食，第時容mud易佢順手塞俾bb架!」

嘩!我突然覺得老公「大個仔」嘞，我同bb既將來出現曙光嘞!!!!!

[轉載:親子王國/nahcTAP]

99講明話唔會爭湊b

2011-01-21T17:19:00.001+08:00

阿b就出世,99就講明話唔會爭湊b

仲有一個月阿b就出世, 上星期99大大聲講話佢唔識湊b, 唔會同我阿媽爭湊b喎. 雖然不嬲都無諗住比佢湊, 點知轉頭話 "不過個孫到到左小學嗰陣我幫你湊番丫"嘩嘩, 到左小學都六歲, 識行識走,嗰時仲駛乜你湊呀!!!!!我c6聽完都覺得佢自己阿媽咁奸.99仲叫我生完b得閒帶阿b比佢睇.

又講明唔湊b,唔付出, 點有回報呀,衰衰地你都話可以幫手湊一兩日b丫.

99, 不如阿b到小學嗰陣先比你見下佢丫

[轉載:親子王國/顏色筆]

朋友99的省錢法

2011-01-19T12:51:00.001+08:00

朋友99的省錢法, 我比十個"服" 佢~~

日前探朋友, 同6299住, 都叫高級住宅, (都成$8XXX/1呎個D 屋苑)

佢99為抗衡管理公司收佢地$2.X/1呎管理費, 想出咁樣來回本~~~

佢99 日日都會游水, (冬天都游) 係屋苑買咗月票任游~~~

朋友話, 佢99 一年淨係初1至3 唔游, 佢就日日就背住個大袋落CLUB HOUSE.

估下佢點........

佢全年都會係CLUB HOUSE 沖涼, "OR C", 仲每日帶3大支"COLUMBIA 水樽" 落去 "挑" "邦啦瓜"水返屋企. 最頂引係....... 佢仲會帶埋D 菜落CLUB HOUSE 洗~~~~~~~ 洗自己D 衫就必然.

佢話自從99咁做之後, 每個月省咗$60-80煤氣費, (從來唔係屋企沖涼) 同每個月用少咗好多廁紙~~~(因為佢從來唔係屋企 "OR C" ) 仲有水費!

朋友都話頂99唔住, 但係老人家話: 佢日日洗菜會閉埋個沖涼房洗, 洗完放番落佢個背包, 無人知. 如果唔係洗碗有聲, 佢仲想攞埋D 碗去洗喎~~~~~

婆婆仲每日攞10張抺手紙, 得閒揾來抺野~~~~~

婆婆, 你好野~~~~ 比十個服字你~~~~

(唔好問我邊個屋苑, 免壞婆婆"好事")

[轉載:親子王國/Pulmma]

c6 同99 拍拖

2011-01-19T12:22:00.001+08:00

初初我同c6 拍拖時，同居，好開心。

後來，c6 同我搬左去99 家住。問題開始發生了，唔算嚴重。結婚後，繼續一齊住，問題越來越多。99 對我有時勁好，有時又勁衰。生bb後，大家意見分歧。上個月，終於一家三口搬左出黎住，以為幸福會降臨。點知........

自從搬左後，大伯就取代我地既位置，搬左入去同99住。不過，99 每日打幾次電話俾c6，c6 又打番幾次俾佢，好似拍拖咁，佢又會問佢阿媽：你做緊咩呀？食飯未？早d 訓啦！

難得c6 一日放假，都話要去99 家吃飯。其他閒日，c6 都想叫99 來，被我阻止左。問題係99 每次來，都一早到來，吃完晚飯先走，最少都逗留10個鐘，我無晒私人時間。

裝左No* TV 的迪迪尼台，諗住俾bb睇，但99 來我家時，嚷著要睇大陸台，我連唯一少少娛樂都無。99 仲要海棠春睡咁訓响sofa 睇，我無位坐，bb坐地下的軟墊。

究竟間屋邊個係女主人？我咁辛苦搬出黎為乜呀？c6 話放唔低99，咁點解要結婚？何不攬住佢阿媽過人世？

題外話，未搬之前，日日在家對住99，餐餐同99食飯。有次，我叫c6 同我一齊去買尿片，99 咁都要跟埋去。唉，來回只是一個鐘，連少少break 都唔俾我。Help！

[轉載:親子王國/Sayuri_Li]