Header Row

[主頁] [兒歌] [食譜] [廣告] [家事百科] [蘇GOOD] [化妝美容] [兒歌] [產前產後] [奶奶趣聞] [Flashcards] [開心大發現] [食譜] [馬爾代夫] [最新] [水瓶座的人] [羅力威] [自然療法]
註 : [ 99 = 奶奶 ] [ 62 = 老爺 ] [ C6 = 死佬 (老公) ]

99,你隻女就係寶 X#Y#Z# !

上年6299去了澳洲幾星期探三姑仔一家。 6299家只留番一個不做家務、冇禮貌(成日鬧阿媽)、失業、樣貌一般兼三十幾歲都嫁不出的細姑仔。6299家沒有工人,99通常叫我上去同佢拜神上香及打掃。雖然我家有工人,工人要照顧兩個女,我幫她拜完神,就順便打掃埋,冇功,都有努! 估唔到99從澳洲回來後,乾淨屋企睇,唔該都冇聲,反而發現雪櫃有異味,原來果隻細姑仔買外賣飯盒回家吃,把吃盛的飯盒放回雪櫃,放了一段時間,飯盒發霉至雪櫃有異味,影響埋雪櫃內其他食物! 99居然向我大發雷霆,發顛咁對住我罵過不停。 99話呢D野唔係佢個女做,佢個女係唔會做呢D野,呢D野係新抱做。不停咁鬧,又話我平時無禮貌,又話我冇家教,亂咁鬧,我就On居居企係度被佢鬧,最攪鬼就係99話"阿爸阿媽可以鬧,家公家婆唔可以鬧"。 我當堂O晒嘴,唔怪得知99成比佢D囝囡鬧! 雖然我比99鬧到超級唔開心,如果我話比C6聽,C6又會勁鬧99,結果喊左一陣,同朋友訴下苦,見佢老人家又血壓高又糖尿病,我都當佢唱歌算了。

今年新年99又去了澳洲幾星期探三姑仔一家。 99回來前一天,我特登叫工人去6299家打掃,及千叮萬囑工人把雪櫃內所有發霉及有可能發霉的食物清理,免招麻煩。 事與願違,99回來又係唔該都冇聲,淨係發現廚房拜完神果細盆發財年榚發左霉。99今次沒有大發雷霆,也沒有狂鬧我。 99只是說,呢D野細姑仔唔會做,佢仲要嫁人,唔駛係屋企做野,佢一日未嫁人,都唔駛佢做家務! 我心裡大罵:99,你隻女就係寶 X#Y#Z#! 唔通我沒有阿媽生!! 唔知道99C6&細姑仔,幾時先開竅?

KC9

2 comments:

Anonymous said...

我去bf屋企玩,佢媽咪去旅行,淨返佢daddy係度。Bf係度睇漫畫同上網,我就主動餐餐幫佢地洗碗,幫佢地吸哂全屋(2層村屋)既塵同用除塵紙抹全屋塵,抹埋廁所。點知bf一句聲都冇出過,佢媽咪返黎都係好似唔覺咁,仲有佢dadi話個垃圾筒好臭,好似怪我唔換垃圾袋咁!又未談婚論嫁,(佢媽咪甚至向她的師奶朋友介紹我是:「我的朋友」,而不是「我個仔的女朋友」),我只係去玩,好似我奉止要做咁!

Anonymous said...

我老公30頭都又血壓高又糖尿病了!